અરવલ્લીના મોડાસા શહેરી વિસ્તારના ૫ કિ.મી વિસ્તારને બફરઝોન

કેતન પ્રણામી અરવલ્લી

અરવલ્લીના મોડાસા શહેરી વિસ્તારના ૫ કિ.મી વિસ્તારને બફરઝોન જાહેર કરાયો



કન્ટેઇનમેન્ટ ઝોનના  સોસાયટી વિસ્તારમાં લોકોની અવરજવર ઉપર પ્રતિબંધ હાલમાં વિશ્વભરમાં કોરોના વાયરસ COVID-19 ને વર્લ્ડ હેલ્થ ઓર્ગેનાઇઝેશન દ્રારા વૈશ્વિક મહામારી જાહેર કરેલ છે. ભારતમાં પણ COVID-19 ના કુલ-૧૪૦૦૦ થી વધારે કેસો નોંધાયેલ છે. જે બાબતે ભારત સરકારશ્રી અને ગુજરાત સરકારશ્રી દ્રારા સમયાંતરે કોરોના વાયરસ COVID-19 ને ફેલાતો અટકાવવા માટે વિવિધ માર્ગદર્શિકા જાહેર કરવામાં આવેલ છે. જે અનુસંધાને કોરોના વાયરસ COVID-19 ઝડપી સંક્રમણને ધ્યાને લેતાં તકેદારીના ભાગરૂપે લોકોની વધુ અવર-જવર વાળા જાહેર અને ખાનગી સ્થળોએ વાયરસને ફેલાતો અટકાવવા સારુ આમુખ (૨) ની વિગતે જાહેરનામું બહાર પાડવામાં આવેલ છે. આજરોજ તા.0૫/૦૫/૨૦૨૦ના રોજ અત્રેના જિલ્લામાં સીમનાની સોસાયટી, મોડાસ નગરપાલિકા વિસ્તારમાં  એક કોરોનાનો પોઝીટીવ કેસ નોધયો છે. આ વાયરસ ઝડપી સકમણને ધ્યાને લોકોની સુરક્ષા બાબતે તકેદારી પગલાં રૂપે લોકોની અવર- જવર ઉપર પ્રતિબંધ કરવામાં આવે છે. જે અંતર્ગત  અરવલ્લી જિલ્લા કલેકટર શ્રી અમૃતેશ ઔરંગાબાદકરને તેમને મળેલી સત્તાની રૂએ ફોજદારી કાર્યરીતી અધિનિયમ-૧૯૭૩ (૧૯૭૪ નો બીજો અધિનિયમ) ની કલમ-૧૪૪, ધ ગુજરાત એપેડેમીક ડીસીઝ એકટ ૧૮૯૭ અને ડિઝાસ્ટર મેનેજમેન્ટ એક્ટની કલમ-૩૦ તથા ૩૪ અન્વયે વાયરસ ઝડપી સંક્રમણને ધ્યાને લેતાં લોકોની સુરક્ષા બાબતે તકેદારી પગલાંરૂપે  COVID-19 નો Containment Area (નિયંત્રિત વિસ્તાર) તરીકે જાહેર કરી લોકોની અવરજવર ઉપર પ્રતિબંધ ફરમાવ્યા છે.
            જેમાં COVID-19 નો કેસ મળી આવેલ સીમનાની સોસાયટી, અને તેની આસપાસ આવેલ  દરિયાઇ સોસાયટી, એકતા સોસાયટી,નુરેમહંમદ સોસાયટી,બાલાપીર દરગાહ વિસ્તાર,રહેમાની સોસાયટી,કસ્બાનવાજી ફળી, ફાતેમાપાર્ક સોસાયટી,ગોરીયાના ચોક વિસ્તાર ફૈઝન પાર્ક  સોસયટી, કસ્બા હવેલી, કસ્બા રાઠોડ ફળી, જમાલવાવ વિસ્તાર, નકશબંધ સોસાયટી કે જે મોડાસા નગરપાલિકામાં આવેલ  વિસ્તારને COVID-19 Containment Area તરીકે જાહેર કરવામાં આવેલ છે. જયારે પાંચ કિ.મી વિસ્તારને બફર ઝોન જાહેર કરેલ છે. જેમાં આ વિસ્તારના એન્ટ્રી અને એક્ઝીટ પોઇન્ટ પર થર્મલ સ્ક્રીનીંગ, વિસ્તારને આવરી લેતા મુખ્ય માર્ગો પર ચૂસ્ત પોલીસ બંદોબસ્ત તેમજ આવશ્યક સેવાઓ( તબીબી સેવાઓ અને કાયદો અને વ્યવસ્થા સંબંધિત ફરજો સહિત) અને સરકારી વ્યવસ્થાપનની સાતત્યતા જાળવવા સિવાયની પરવાનગી વગર વસ્તીની આવાન-જાવનની પ્રવૃતિઓ પર જરૂરી  નિયંત્રણો મુક્યા છે.  કરવામાં આવશે.
આ જાહેરનામા અન્વયે સરકારી ફરજ ઉપરની વ્યક્તિઓ, વિસ્તારમાંથી પસાર થતાં તમામ માલવાહક વાહનો, આવશ્યક ચીજવસ્તુનું વેચાણ કરતાં પાસ ધારકો તેમજ ત્યાં આવેલા ખેતીવાડી ઉત્પન્ન બજાર સમિતિ અને જથ્થાબંધ બજારોને નિયંત્રણમાંથી મુક્તિ આપવામાં આવશે, આ જાહેરનામુ તા.  ૧૯ મે ૨૦૨૦ સુધી અમલી રહેશે જો કોઇ આ હુકમનો ભંગ કરતા માલૂમ પડશે તો તેમની વિરૂધ્ધ ભારતીય દંડ સંહિતા-૧૮૬૦ ની કલમ-૧૮૮, ધ ગુજરાત એપેડેમીક ડીસીઝ એકટ ૧૮૯૭,ધ ગુજરાત એપેડેમીક રેગ્યુલેશન, ૨૦૨૦ અને ડિઝાસ્ટર મેનેજમેન્ટ એક્ટની કલમ-૫૧ થી ૫૮ મુજબ શિક્ષાને પાત્ર થશે.